Recriwtio

Ymunwch ag Opera Canolbarth Cymru fel Aelod o’r Bwrdd!

Ydych chi’n frwd ynglŷn â sicrhau bod opera’n hygyrch a difyr i bawb? Mae Opera Canolbarth Cymru yn chwilio am Aelodau Bwrdd newydd deinamig i helpu i siapio ein dyfodol!

Am dros 35 mlynedd, mae Opera Canolbarth Cymru wedi dod â hud opera i bob cornel o Gymru a’r Gororau. Rydym yn cynnig cyfleoedd i berfformwyr ar ddechrau eu gyrfaoedd ac yn ysbrydoli pob cenhedlaeth trwy gyfrwng prosiectau allgymorth mewn cymunedau ac ysgolion lleol.

Er gwaethaf ergyd ariannol y llynedd pan gollodd y cwmni ei gefnogaeth hirsefydlog gan Gyngor Celfyddydau Cymru, mae grant Cyngor Sir Powys drwy’r Gronfa Ffyniant Gyffredin wedi bod yn fodd i’r cwmni ffurfio cynllun craidd tair blynedd yn seiliedig ar fodel teithiol hynod lwyddiannus LlwyfannauLlai. Ymunwch â ni ar gam nesaf ein taith. Rydym yn edrych ymlaen at groesawu unigolion o bob cefndir sy’n rhannu ein gweledigaeth ni bod celfyddyd yn rhywbeth i bawb.

Rydym yn awyddus i wneud ein sefydliad yn un amrywiol, cynhwysol ac yn groesawgar ar bob lefel. Rydym yn ymroddedig i feithrin bwrdd amrywiol a meithrin amgylchedd cynhwysol lle caiff pawb fod yn nhw eu hunain. Rydym yn croesawu ceisiadau gan bobl o bob cefndir a chymuned, gydag anogaeth arbennig i’r rhai o amrywiol grwpiau oedran, y rhai ag anableddau, amrywiol hunaniaethau o ran rhywedd, tueddiadau rhywiol, hil, a chrefyddau neu gredoau.

Fel Aelod o’r Bwrdd, byddwch yn:

• Gwneud gwahaniaeth: Helpu i lunio dyfodol cwmni opera uchel ei barch a sicrhau bod y celfyddydau’n parhau i fod yn hygyrch i bawb.
• Datblygu Sgiliau: Ennill profiad gwerthfawr mewn llywodraethu, cynllunio strategol, codi arian, marchnata, a mwy.
• Ehangu Eich Rhwydwaith: Cysylltu ag unigolion o’r un anian, gweithwyr proffesiynol y celfyddydau, ac arweinwyr cymunedol.
• Mwynhau Profiadau Diwylliannol: Derbyn gwahoddiadau i ddigwyddiadau unigryw, perfformiadau a phrofiadau fydd yn mynd â chi tu ôl i’r llenni.
• Cyflawniad Personol: Chwarae rôl hanfodol yn y gwaith o ddod â llawenydd ac ysbrydoliaeth i gynulleidfaoedd amrywiol trwy rym cerddoriaeth.

Os ydych chi’n credu yng ngrym cynhwysol a thrawsnewidiol cerddoriaeth a bod gennych sgiliau cysylltiedig â chodi arian, marchnata, neu’r Gymraeg, byddem wrth ein bodd pe baech yn ymuno â ni. Anfonwch e-bost at Gareth Williams, Cadeirydd Bwrdd Opera Canolbarth Cymru, gareth3obc@aol.com, a chopi at admin@midwalesopera.co.uk  .